Shitje lojtarësh, klubit ballshiot i duhen para

Bylis po mendon seriozisht për të ruajtur grupin e lojtarëve që ka aktualisht, edhe pse një gjë e tillë do të jetë e vështirë. Shumë ekipe kanë nisur kontaktet pasi duke parë që tashmë Bylis do të luajë në Kategorinë e Parë, mundësitë për t’i marrë futbollistët janë të mëdha. Kur të hapet zyrtarisht merkato e verës, do të shihen edhe lëvizjet te skuadra ballshiote. Ofertat nuk mungojnë dhe kjo mund të jetë diçka pozitive për Bylisin, pasi me shitjen e disa futbollistëve, klubi synon të krijojë një fond të mjaftueshëm për krijimin e një tjetër ekipi të mirë për të garuar në Kategorinë e Parë.
Renaldo Gremi

Burimi  Ballshi.tk