Një grua me inicialet J.C., qëllohet me thikë nga një grabitës në qendër të Tiranës. Ngjarja në fjalë ka ndodhur pasditen e sotme, pranë Bankës së Shqipërisë. Nga të dhënat paraprake, thuhet se gruaja ka qenë duke ecur në rrugë dhe një person i ka marrë çantën me një sasi të konsiderueshme lekësh nga dora.
E dëmtuara ka refuzuar që ta dorëzojë dhe autori e ka qëlluar me thikë, e më pas është larguar.
Gruaja është dërguar në spital për të marrë ndihmën e nevojshme mjekësore dhe është jashtë rezikut pë jetën.
Në vendin e ngjarjes kanë shkuar forca të shumta policie, të cilët nisën punën për zbardhjen e krimit.
24 nëntor 2015 (gazeta-Shqip.com)
