Michel Platini mund të dënohet përjetë nga futbolli, ka bërë të ditur avokati i tij, Thibaut d’Ales.
Nënkryetari i FIFA-së, përkatësisht presidenti i suspenduar i UEFA-së, është duke shërbyer 90 ditë të pezullimit së bashku me kreun e FIFA-së, Sepp Blatter, derisa komisioni të konsiderojë vendimin.
Por, D’Ales ka pranuar se klienti i tij rrezikon dënim të përjetshëm nga përfshirja në futboll, nëse shpallet fajtor për akuzat e korrupsionit. Platini akuzohet se pranoi 1.35 milionë funte nga Blatter më 2011, për “punën këshilluese”, të realizuar nëntë vite më herët.
Njësoj si Plattini, edhe Blatter është i suspenduar për 90 ditë, por ka mohuar të ketë shkelur ligjin, por pranoi se nuk kishte asnjë kontratë të të nënshkruar me francezin.
