Këngëtarja Altuna Sejdi – Tuna ka pranuar se ka bërë ndërhyrje estetike, teksa ka goditur artistet tjera që nuk pranojnë të kenë bërë një gjë të tillë. Shpesh e gjendur në ballinat e portaleve dhe gazetave për dallimin në fytyrën e saj, këngëtarja nuk e mohoi ndërhyrjen në emisionin “6 Ditë pa Ermalin”. Një nga pyetjet e fansave ishte nëse këngëtarja ka bërë ndonjë ndërhyrje estetike në trupin e saj. “Pak”, u përgjigj ajo. Më pas ajo sqaroi se ka bërë ndërhyrje në buzë dhe hundë. Këngëtarja theksoi se gënjesthra më e madhe që dëgjojnë fansat e yjeve shqiptare të skenës është: “Unë jam kështu natyrale, si më ka lindur nëna”, duke aluduar se shumica e këngëtareve shqiptare kanë bërë ndërhyrje estetike. /Telegrafi/
