Mino Raiola i ka komentuar deklaratat e Mario Balotellit se dëshiron të luajë për Real Madridin. Në fakt, ishte portieri Diego Lopez, i cili deklaroi të martën se sulmuesi i Milanit ëndërron të veshë fanellën e Los Blancos. “Balotelli është ndryshe nga ai para një viti. E filloi shumë mirë dhe nuk pati fat për shkak se u desh të operohej, tash shpresojmë ta kthejmë në fushë sa më shpejtë që mundemi”. “Ai është shumë i qetë. A ëndërron të luajë për Real Madridin? Nuk e di, secili lojtar i madh ëndërron të luajë për Real Madridin, është thuajse logjike”. “Kush nuk do të dëshironte? Të shpresojmë që ai ta realizojë ëndrrën një ditë”, ka theksuar Raiola. /Telegrafi
| ||
